Možnost pogovorjenja s govoriteljami medžuslovjanskogo iz råzličnyh krajin v živo? Čitanje novo izdanoj knižky fantasy “Nehaj nesųt běle oblåky”?
Prězentacija o medžuslovjanskom języku i literaturě na medžuslovjanskom?
Dobra slovjanska atmosfera?
Možnost poširjenja svojego znanja o slovjanskyh językah?
To vsečto bylo na festivalě SLAVNI, na ktory naša Fondacija byla prizvana kako gost i na našem stanovišču, na ktorom mogli jeste uviděti medžuslovjanske tovary, poznati o medžuslovjanskom języku a takože imati svoje imę zapisano v glagolici i kirilici!
V programě festivala byla takože prezentacija o medžuslovjanskom języku(samoråzumno cěla na medžuslovjanskom) na ktorų prišlo veliko mnogo ljudij. Blågo nam bylo viděti cělų komorų izpòlnjenų publikojų!
Na naše stanovišče prizvali jesmo takože prědstavitelja udruženja Udruga Međuslavenske Kulture iz Hrvatije, ktory sdělal literačskų analizų knižky “Nehaj nesųt nas běle oblåky”. Velika hvala našemu koljegu za učęstvovanje!
A prěd vsěm, hvala velika organizatoru, Stowarzyszenie Krzewienia Kultury Słowiańskiej JAWIA! i časopisu iSAP – Słowiańska Agencja Prasowa za prizvanje na festival i poddržanje råzvoja Medžuslovjanskogo języka! Imamo nadějų na daljšų råbotų okolo slovjanskyh projektov.