Blågo bylo prědstaviteljstvu našej fondacije učęstvovati v prezentaciji o Medžuslovjanskom języku i literaturě, ktora byla na Universitetě Adama Mickiewicza v Poznanju! Veliko dobro jest viděti, že takože naučniki i studenti interesujųt sę Medžuslovjanskym językom – jedin iz cěljev našej Fondacije jest profesionalna naučna råbota.
Hvala velika našim dobrym koljegam: Robertu Lombinu za prezentacijų o Medžuslovjanskom języku i prědstavitelju udruženja Udruga Međuslavenske Kulture iz Hrvatije, Matiji, za prezentacijų o knižkě “Nehaj nesųt nas běle oblåky”!
Potom jesmo takože pošli igrati zajedno na koncertě s pěsnjami v Medžuslovjanskom języku v gruzinskom restoraně Pan Gar – publika byla angažovana a koncert krasivy!
Hvala vsěm za učęstvovanje a osoblivo gospodici Nině Mautner za organizacijų tutogo sòbranja!