Postanovjenje od Komisije Medžuslovjanskogo
Naš projekt bystro razvivaje se, imaje mnogo tyseč do projekta interesujučih se ljudij, i prošlo lěto dobyl registraciju ISO (https://iso639-3.sil.org/code/isv) a ješče druhyh medžunarodnyh standardov. Skupina jezyka raste, dělajut se videa, podkasty, muzika, i pišut se mnoge teksty.
Po tutoj pričině nam vsim trěba pripomněti znanje o pravom naměru medžuslovjanskogo projekta, ktory členi Komisije Medžuslovjanskogo Jezyka s pomočju ješče drugyh aktivnyh členov medžuslovjanskoj skupiny spisali na jednu stranicu.
Tuto postanovjenje objasnjaje socialnu rolj, programove cělje, etične principy i moralne normy uživanja medžuslovjanskogo jezyka kako srědstva do komunikacije i kulturnoj suraboty medžu slovjanskojezyčnymi ljudami.
Postanovjenje takože brani medžuslovjansky jezyk protiv ideologičnomu zloupotrěbjenju, i govori o lingvističnom standardu medžuslovjanskogo jezyka. Prosimo vsih dragyh členov i ljubiteljev medžuslovjanskoj skupiny, daby uvažali tuto postanovjenje, i širili jego dalje.
PDF fajl tutogo postanovjenja na medžuslovjanskom jezyku v latinici: https://interslavic.news/doc/ms_postanovjenje_2025.isv.pdf
PDF fajl tutogo postanovjenja na medžuslovjanskom jezyku v kirilici: https://interslavic.news/doc/ms_postanovjenje_2025.isv-cyr.pdf
PDF fajl tutogo postanovjenja na anglijskom jezyku: https://interslavic.news/doc/ms_postanovjenje_2025.eng.pdf
Historičny dokument Memorandum medžuslovjanskoj komunity o jezykah Novoslověnski, Slovianski i Slovio (https://interslavic.news/116) iz devetogo měseca 2011, kogda rabota na medžuslovjanskom projektu počela se.
Na osnově tutogo memoranduma jesmo lěta 2017 srabotali sojednjeny medžuslovjansky jezyk i postanovili Komisiju Medžuslovjanskogo Jezyka.
Historičny dokument Medžuslovjansky manifest 2019 (https://interslavic-language.org/manifesto) iz lěta 2019.
Podpisali Členi Komisije Medžuslovjanskogo Jezyka:
Johannes Hendrik van Steenbergen
Jan iz Niderlandov
Vojtěch Merunka
Vojta iz Čehije
Ярослав Сергєєв
Jaroslav iz Ukrajiny
Michał Swat
Mihal iz Poljsky
Roberto Lombino
Roberto iz Čehije