Velika hvala vsěm za učęstvovanje v našem medžuslovjanskom pěvanju pěsnij iz råzličnyh slovjanskyh krajin v Przystanku Pireus v Poznanju!
22.08.2025 Mogli jesmo poslušati krasive pěsnje iz mnogyh čęsti slovjanskoj Evropy hvala profesionalnomu koncertu od Roberta Lombina, studenta geoslavistiky Universiteta Adama Mickjeviča i čestnogo člena našej Fondacije.
Vsjaka pěsnja, ktorų jesmo pěvali imala prinajmenje dvě języčne versije – hvala tomu mogli jesmo integrovati ljudij iz råzličnyh krajin s pomočjų jih vlastnoj kultury!
Bylo na našem sòbranju veliko mnogo narodnostij – Bělorusini, Poljaki, Ukrajinci i ne jedino!
Osoblivo milo bylo nam privitati troje slovjanskyh gosti iz Lužice, doktora Filipa Peršína, Sofijų Brězanec i učiteljkų Danielų Heelemanowų.
Lužica ješče žive!
Ne vsi učęstniki znali poljsky język, za to i jesmo rųkovodili naše sòbranje na medžuslovjanskom języku, ktory byl råzumlivy vsěm učęstnikam.
Naše muzično sòbranje pokazalo, že ljudi mnogyh narodov mogųt sę zajendo integrovati i dobro baviti, a takože, že medžuslovjansky język, s ktorym dělaje naša Fondacija, može byti praktičny instrument kulturnogo dialoga, a ne jedino zajętje konlangistov i językoljubcev.
Sdobyli jesmo medialny podpor od:
Konsulinje Slovakije
Konsula Hrvatije
Konsulinje Čehije
Katedry Slavistiky v Universitetě Adama Mickjeviča
Udruženja Ukrajinska Vesna, najveličejšego udruženja Ukrajincev v Poznanju
Členov Svęzka Ukrajincev v Poljskoj
Meteor Studio od udruženja Przystanek Folwarczna
bělorusinskogo demokratičnogo udruženja Moladźevy Blok i Pakoj 202
udruženja CIM Horyzonty
bělorusinsko-ukrajinskyh skupin na Telegramě
profila na Fb “Słowiańska moc”
Przystanka Pireus
profila na Fb Българи във Полша
i råzličnyh drugyh dobryh ljudij!
Tuto dělo my mogli jesmo finansovo organizovati s pomočjų mikrogranta, ktory jesmo sdobyli od CIM Horyzonty i gråda Poznań.
V sųbotų, poslěd včerašnjej integracije imali jesmo takože sòbranje govoriltejev medžuslovjanskogo języka pri jezerě Malta.
Velika hvala Vam vsěm i čekajte na nove děla!