V dnju 25.08.2024 bylo sòbranje Medžuslovjanskogo języka v poljskom grådě Poznań. Četyrinadsęt ljudij bylo(polovina jih byli govoriteli medžuslovjanskogo języka): Čehi, Poljaki, Ukrajinci i Jan van Steenbergen, jedin iz tvorcev tutogo języka, takože prišel.
Najprvo sěděli jesmo v restoraně “Wiejskie Jadło” blizko Starogo Trgovišča i dělali jesmo seriozne i zajmlive gramatične råzgovory. Potom pošli jesmo do bělorusinskogo paba “MY” na ulici Fredry. Samoråzumno bylo jedanje, pěvanje, igranje na gitarah i prěd vsěm, velika zabava. Poslědni učęstniki råzdělili sę v 3:00 časinų noči. My myslimo, že vsi imamo mnogo dobry vzpomněnij iz tutoj shodky.
Velika hvala vsěm učęstnikam. Vsego dobrogo i čekajemo na bųdųče sòbranja!